25
май
2019
Соңғы қоңырау
Достық кентінің №11 орта мектебінің 2018-2019 оқу жылының аяқталуымен «Соңғы қоңырау» салтанатты жиыны өтті. Салтанатты жиын сағат 9.00-де басталып, 9.45-те аяқталды.
2018-2019 оқу жылының аяқталуымен және «Соңғы қоңырау» мерекесімен мектеп директоры Қуатова Гүлнар Рысбекқызы келген қонақтарды, ата-аналарды, мұғалімдерді және оқушыларды құттықтады.
Достық станциясының, жергілікті қоғамдық ұйымдардың басшылары және Достық ауылдық округінің әкімшілігі, зейнеткер ұзтаздар шақырылды.
Достық ауылдық огругінің әкімі Қайранбеков Қайыржан Бақытұлы 2018-2019 оқу жылының табысты аяқталуымен құттықтап, жас түлектерге сәт сапар тіледі. Достық ауылдық ауруханасының бас дәрігері Жумабаев Есей Сайлаубекович 11 сынып түлектеріне ізгі ниетін білдіріп, салтанатты жиынға қатысушыларды құттықтады. Зейнеткер ұстаздарымыз Мария Жекембайқызы мен Рахат Омарханқызы өз құттықтауларын жеткізді.
1-сынып оқушылары мектеп бітіруші түлектерді құттықтап, өлең жолдарын арнап, гүл шоқтарын тапсырды.
Түлектер ұстаздар қауымына алғыстарын білдіріп, соңғы мектеп вальсін орындады.
Салтанатты жиынның ІІ-бөлімінде 11-сынып оқушылары, ата-аналарымен, сынып жетекшілерімен бірге соңғы тәрбие сағаттарын өткізді.
Тәрбие сағаттарына мектеп әкімшілігі қатысты.
Соңында 2018-2019 оқу жылының мектеп бітірушілері келген қонақтармен, мектеп әкімшілігімен, ата-аналармен, ұстаздармен бірігіп ағаш отырғызу рәсімін өткізіп, естелікке фотоға түсті. «Соңғы қоңырау» салтанатты жиыны өз дәрежесінде өтілді
