"Қыздарға әсемдік жарасады" тақырыбында қыздар жиналысы өтті.
Мақсаты: Қазақ халқының әдет-ғұрып, салт-дәстүрлерін қыз баланы бойына сіңіре отырып сыпайылыққа, достық қарым-қатынасты қалыптастыруға талғаммен киінуге, қыздарды сыйлауға, әсемділікке,сұлулыққа құштарлығын арттыру
Қазақ халқының ұлттық өнерін, салт-дәстүрін дәріптеуге үйрету, оқушылардың танымдық және шығармашылық қабілетін, эстетикалық талғамын, шеберлігін дамыту, көпшілік алдында өзін-өзі ұстай білуге, мейірімділікке тәрбиелеу.
"Қыздарға әсемдік жарасады" тақырыбында өткен қыздар жиналысы мынадай бөлімнен тұрды:
І Кіріспе
ІІ «Жасөспірім қыздың тәрбиесі» баяндамашы мектеп медбикесі Гүлзәуре Бексейітқызы.
ІІІ «Қыздарға әсемдік жарасады» пікірталас тәлімгер
ІV Сауалнама «Зорлықсыз балалық шақ» психолог Меруерт Мұратбайқызы.
V Ағымдағы мәселелер Тәртіп-тәрбие бастауы, тәртіпсіздік өміріңнің қас жауы педагог-ұйымдастырушы Жұлдыз Барлыханқызы.
Әсемдік адам өмірінің сәні болып қана табылмайды, ол оның мәні десек те қателеспейміз. Өйткені еңбек – адамды адам еткен болса, сұлулық - адам бойын қуаныш, әсем сезімге бөлей отырып, сол еңбекке деген талпынысты, құштарлықты оятады, сұлу қимылдар мен әсем де әдемі қылықтарды, әдеттерді қалыптастырады. Әсемдікті табиғаттан үйренетініміз шындық. Адамның өмірін әсем ететін тағы бір күш – ол өнер.